BREAKING NEWS
latest

Wednesday, June 27, 2018

முதலமைச்சர் போட்டியிலிருந்து ஒதுங்கவே மாட்டேன் - மாவை

வடக்கு மாகாண முதலமைச்சர் வேட்பாளராகக் களமிறங்குவதிலிருந்து நாடாளுமன்ற உறுப்பினர் மாவை சேனாதிராஜா ஒதுங்கிக்கொண்டதாக இணையதளங்களில் வெளியான செய்திகள் பொய்யானவை என்று மாவை சேனாதிராஜாவிற்கு நெருக்கமான வட்டாரங்களிடம் தெரிவித்துள்ளார்.

நாடாளுமன்ற உறுப்பினர் மாவை சேனாதிராஜா தம்மிடம் நேரடியாகத் தெரிவித்ததாக, அவருக்கு நெருக்கமான வட்டாரங்கள் தகவல் வெளியிட்டுள்ளன.

வடக்கு மாகாண சபைக்கு தமிழ்த் தேசியக் கூட்டமைப்பின் சார்பில் முதலமைச்சர் வேட்பாளராக யார் களமிறங்குவார் என்ற கேள்வி எழுந்துள்ளது.

தற்போதைய முதலமைச்சர் சீ.வி.விக்னேஸ்வரனுக்கு தமிழ்த் தேசியக் கூட்டமைப்பின் சார்பில் இடம் வழங்கப்படமாட்டாது என்று அந்தக் கட்சியின் பேச்சாளர் எம்.ஏ.சுமந்திரன் தெரிவித்துள்ளார்.

கூட்டமைப்புகோரினால் முதலமைச்சர் வேட்பாளராகக் களமிறங்கத் தயார் என்றும், கடந்த தடவை முதலமைச்சர் வேட்பாளர் விவகாரத்தில் விட்டுக்கொடுத்து தவறிழைத்ததைப் போன்று இம்முறை தவறிழைக்க மாட்டேன் என்றும் மாவை சேனாதிராஜா தெரிவித்திருந்தார்.

இவ்வாறானதொரு நிலையில், சில இணையதளங்களில் இவ்விவகாரம் தொடர்பில் செய்திகள் வெளியாகியிருந்தன.

அதில் அடுத்த முதலமைச்சர் வேட்பாளரிலிருந்து ஒதுங்குவது கட்சிக்கு நல்லதெனில் என்னை நினைத்து சங்கடப்படத் தேவையில்லை.

நான் ஒதுங்கிக்கொள்கிறேன் என்ற முடிவுக்கு நாடாளுமன்ற உறுப்பினர் மாவை சேனாதிராஜா வந்துவிட்டதாகக் குறிப்பிடப்பட்டிருந்தது.

இந்தச் செய்தி தொடர்பில், நாடாளுமன்ற உறுப்பினர் மாவை சேனாதிராஜாவின் வீட்டுக்கு நேரில் சென்று நாடாளுமன்ற உறுப்பினருக்கு நெருக்கமான ஒருவர் கேட்டுள்ளார்.

அந்தச் செய்தியை அவர் முற்றாக மறுத்துள்ளார். அப்படி ஒன்றும் கூறவேயில்லை என்று குறிப்பிட்டுள்ளார் என அறியமுடிகின்றது.
« PREV
NEXT »

Facebook Comments APPID